Receita
Volver a receitas
Navallas empanadas con salsa de limón e alcaparras, patacas e vinagreta de noz
As navallas son ricas en ferro, potasio e fósforo. Son un bo alimento para persoas que non queiran engordar e estar ben nutridas.
doada
20 minutes
- 2 conservas de navallas Cuca
- Fariña
- Ovo batido
- Pan relado
- Manteiga
- Aceite
Ingredientes para a ensalada:
-
Ensalada variada: lollorroso, leituga de folla de carballo, escarola, rúcula, etc.
Ingredientes para a vinagreta:
- 125 ml de aceite de oliva virxe extra
- 125 ml de aceite de noz
- 1 cullerada sopeira de mostaza de Dijon
- 3 culleradas sopeiras de vinagre de Jerez
- Sal e pementa branca
Ingredientes para a salsa de limón e alcaparras:
- 100 ml de fumet de peixe
- 100 ml de auga de navallas
- Zume de 1 limón
- 120 gr de manteiga
- Sal e pementa
- 1 culleradiña de ceboliño
- 2 culleradas sopeiras de alcaparras
Ingredientes para as patacas:
- 8 patacas pequenas
- Aceite de oliva
- Louro
- Auga
- Sal
Para preparar as navallas, bater os ovos e con axuda dun pouco de fariña, empanalas moi ben. As navallas deben estar ben escorridas, reservando a auga da conserva aparte. Quentar nunha tixola un pouco de manteiga, engadir un fío de aceite de oliva e dourar moi ben as navallas. Reservar sobre papel secante de cociña.
Por outro lado, lavar moi ben a ensalada variada e aliñala coa vinagreta. Salpicar sal e pementa.
Preparar a vinagreta mesturando nunha cunca todos os ingredientes e emulsionalos moi ben con axuda dunha variña.
Para rematar, cocer as patacas en auga con louro, sal e un chorro de aceite de oliva. Cando colla temperatura, engadir as patacas e douralas un pouco pola superficie. Baleirar un pouco as patacas con axuda dunha culler parisiense (unha culler sacabólas) e dentro delas dispoñer ensalada variada e aliñala coa nosa vinagreta de noz. Colocar por enriba as navallas ben empanadas e cubrir lixeiramente coa salsa de limón e alcaparras. Servir temperado.
Dificultade: baixa
Tempo: 10 minutos
