Receita

Volver a receitas

Risotto de cogomelos con atillo de navallas e xamón ibérico

As navallas son ricas en ferro, potasio e fósforo. Son un bo alimento para persoas que non queiran engordar e estar ben nutridas. 

  • Medio

  • 45 minutes

Ingredientes
  • 260grs. de arroz
  • 2 conservas de navallas CUCA
  • 850 ml de caldo de ave
  • 2 allos chalotes
  • 400 gr de champiñóns
  • 2 tomates
  • 50 gr de parmesano relado
  • Aceite de oliva virxe
  • 30 gr de manteiga
  • 100 gr de nata para montar
  • 8 rebandas de xamón ibérico
  • Aceite de oliva
Preparación

Para realizar o risotto, preparar un bo fondo escuro de carne.

Dourar moi lentamente o allo chálote ben picadiño cun fío de aceite de oliva. Unha vez dourado, incorporar o tomate en concassé e estufar outros 5 minutos máis. Por último, incorporar os champiñóns previamente picados e cando estean dourados, incorporar o arroz.

Mollar pouco a pouco o arroz co caldo quente e moi pouco a pouco sen deixar de revolver con axuda dunha culler e, no momento en que se evapore o fondo, engadir máis. Así sucesivamente ata rematar a cocción do arroz.

Cando o grao de arroz xa estea practicamente cocido (uns 18 minutos), ligar cos 30 gr de manteiga en pomada, o queixo relado e por último a nata semimontada.

Deixar repousar uns 2 minutos antes de servir e poñer a punto de sal.

Por outro lado, escoar moi ben as navallas e con axuda dun escarvadentes, albardalas co xamón ibérico. Nunha tixola saltear as navallas co xamón ata dourar.

Á hora de servir, dispoñer no centro dun prato fondo o risotto de champiñóns e enriba colocar o atillo de navallas e xamón ibérico.